Пејачката Едита Арадиновиќ, која неодамна стана мајка, сподели прва фотографија со таткото на својата ќерка Зоиа, направена во породилиштето.
Едита се породи вчера и на свет ја донесе малата Зоиа, а по породувањето се огласи на социјалните мрежи за да им се заблагодари на сите за честитките и убавите желби.
Набрзо потоа, пејачката објави и фотографија на која ја држи својата ќерка во раце, додека покрај неа стои таткото на девојчето. Според фотографијата, тој на новата мајка ѝ донел прекрасен букет рози.
„Мама, тато и Зоиа ви се заблагодаруваат“, кратко напишала Едита покрај објавата.
Пејачката сподели и видео во кое ја ниша својата ќерка, а во описот им се обрати на сите што ѝ испратиле честитки.
„Сакам на сите да ви одговорам, но тоа е невозможно, па затоа вака сакам на сите без исклучок да ви се заблагодарам за прекрасните честитки“, напишала таа.
Потсетуваме, Едита се породи вчера, а според претходните информации, породувањето поминало во најдобар ред и било извршено со царски рез.
