Американскиот актер Џони Деп продаде колекција од отпечатоци (принтови) што сам ги направил од холивудски и рок икони, за околу 3 милиони фунти (повеќе од 3,5 милиони евра) преку британска галерија, пренесува новинската агенција Анса.
На Инстаграм, Деп вели дека отпечатоците, направени со компјутерски генерирани слики, биле ставени на онлајн продажба од Castle Fine Art, кој води мрежа на галерии во Британија.
Галеријата соопшти дека колекцијата отпечатоци, насловена „Пријатели и херои“, е „доказ за оние што добро ги познавал и оние кои го инспирирале“. Галеријата ги објави зборовите на актерот:
„Моите слики го опкружуваат мојот живот, но ги задржав за себе и се ограничив. Никој никогаш не треба да се ограничува себеси“.
Принтовите вклучуваат портрети од Боб Дилан, Елизабет Тејлор, Ал Пачино и Кит Ричардс.
Галеријата соопшти дека нејзината веб-страница, на која се претставени 780 парчиња за продажба, е преполна со барања. Купувачите платиле околу 17.800 евра за сет од четири отпечатоци во рамки или 4.700 евра за една принт-слика.
View this post on Instagram
