Познатата пејачка Катарина Живковиќ одлучи студените денови во Србија да ги замени со жешките песоци на Обединетите Арапски Емирати. Таа редовно ги изненадува своите следбеници на социјалните мрежи со нереални снимки од ова егзотично патување, а тоа беше случај и овој пат.
Со своите најнови објави на Инстаграм, Катарин им го одзеде здивот на своите следбеници позирајќи во бескрајната пустина за време на магично зајдисонце.
Пејачката избра опуштен, но исклучително провокативен стајлинг за оваа авантура. Во широки, трендовски фармерки и бела кошула врзана високо над папокот, Катарина ја истакна својата совршена фигура и затегнат стомак во преден план.
View this post on Instagram
За да се заштити од пустинското сонце и ветер, таа ја покри главата со марама во ориентален стил, додека целиот изглед го комплетираше со темни очила за сонце. Нејзината опуштена поза со кренати раце се вклопи во мистичниот амбиент на песочните дини, додека таа беше боса за таа пригода.
Сепак, позирањето во песок не беше единственото нешто во кое пејачката уживаше за време на ова патување. Катарина ја покажа и својата бестрашна страна, а дел од времето го помина дружејќи се со вистински, величествен сокол! Оваа моќна птица грабливка, која претставува еден од најпознатите симболи и гордост на Емиратите, беше дел од нејзиното традиционално искуство во пустината, па затоа позираше со неа на рамо.
