Македонската пејачка Бојана Скендеровски престојува во Крушево, од каде сподели емотивна фотографија со својата некогашна наставничка по македонски јазик, Захарица Порчу.
Средбата очигледно разбудила убави спомени кај Скендеровски, која со неколку искрени зборови откри колку големо влијание имала наставничката врз неа и нејзината љубов кон пишаниот збор.
„Мојата наставничка по македонски јазик, која толку многу љубов ми влеа кон пишаниот збор, ја разбираше мојата темпераментност, енергија и желба да бидам ова што сум денес. Мојата Захарица Порчу“, напиша Скендеровски покрај фотографијата.
Скендеровски неодамна во интервју за „Слободен печат“ зборуваше и за некои помалку познати страни од својот живот. Таа откри дека е голем вљубеник во историјата и дека многу чита на таа тема, а на 40-годишна возраст почнала да учи пијано, со што си исполнила желба од детството.
