Момчињата близнаци на Том Сајзмор, Џејден и Џегер, се појавија на социјалните мрежи за да го молат нивниот татко да се „разбуди“, бидејќи лекарите велат дека „нема понатамошна надеж“ за актерот по неговата аневризма.
Додека семејството на ѕвездата од „Спасувањето на војникот Рајан“ ја разгледува погубната одлука дали да му ги исклучат апаратите кои го одржуваат во живот, неговите синови близнаци го повикаа својот татко: „разбуди се тато, не не оставај вака“.
Том (61) паднал во несвест на 18 февруари и бил пронајден како лежи во својот дом откако добил аневризма на мозокот. Тој останува во кома додека семејството се подготвува да ја донесе одлуката што им го кине срцето.
Во понеделникот, неговиот менаџер Чарлс Лаго откри за Си-Ен-Ен дека лекарите рекле дека „нема понатамошна надеж и препорачале да се донесе одлука за ставање крај на животот“. Тој исто така рече дека аневризмата се случила поради мозочен удар.
17-годишните момчиња близнаци продолжија да ја споделуваат својата љубов кон својот татко. Во емотивната објава на Џејден, тинејџерот напиша: „Толку сум вкочанет, тато. Те молам, господе кажи ми дека ова е само лош сон, дај ми ја силата што татко ми би сакал да ја имам, ова никогаш не требаше да се случи.”
„Успеав тато, му верував на животот, ги прифаќав неволјите и ги бркав моите соништа какви што отсекогаш сакаше за мене. Сè што сакаше ти е да имам можност да успеам да се претворам во најдобрата верзија од себе“.
„Многу ми е жал што не бев тука за тебе кога најмногу ти требаше. Не можеш да си одиш вака, разбуди се тато, те молам не ме оставај вака“.
Продолжувајќи да споделува семејни фотографии на социјалните мрежи, Хејден се надоврза со друга објава која гласеше: „Разбуди се тато, не ме оставај вака“.
Во една објава тој напиша: „Одмори се наскоро тато, животот е променлив и нема да врне вечно, наскоро ќе бидеш на подобро место“.
Џејден и Џегер се родени во 2005 година и се синови близнаци на Том и Џенел Мекинтајр.
