Српската актерка Анѓелка Прпиќ се огласи по веста дека починал режисерот и сопственик на драмското училиште „Работа на срцето“, Мирослав Мика Алексиќ.
Како што објавија српските медиуми, Мика Алексиќ починал на 18 јануари, во својот дом во Белград, по долго боледување.
Се наведува дека причина за смртта е рак на дебелото црево.
Само неколку актери се огласија по неговата смрт, а меѓу нив е и Анѓелка Прпиќ.
Исто како и нејзиниот колега Милош Тимотијевиќ, Анѓелка Прпиќ објави наслов на веста на социјалните мрежи кој гласеше: „Режисерот и наставник по глума Мирослав Мика Алексиќ почина“, но актерката го прецртала делот „режисер и наставник по глума“ и напишала погоре: „злоставувач и сексуален престапник“.
Во изминатите години против Алексиќ се водеше кривична постапка поради сомнение за сексуално злоставување на ученички во неговото училиште за глума, случај што предизвика силни реакции во јавноста. Поради смртта на обвинетиот, судската постапка остана без пресуда.
