Иако сме навикнати да ја гледаме Амал во друштво на нејзиниот сопруг, холивудскиот актер Џорџ Клуни, овој пат 45-годишната адвокатка е снимена два дена последователно во друштво на нејзината мајка.
75-годишната Барија Аламудин со ќерката и зетот пристигнала на хуманитарна вечера организирана од познатиот холивудски пар, поточно од нивната организација „The Clooney Foundation For Justice“.
Станува збор за настан одржан во Јавната библиотека во Њујорк, на кој присуствуваа најголемите холивудски ѕвезди, меѓу кои и елегантната Барија, која гордо позираше со ќерка си Амал и Џорџ. Барија Аламудин пред фотографите се однесувала како позирањето да е дел од нејзиното секојдневие, а многумина ја забележаа нејзината неверојатна убавина и елеганција и покрај нејзината возраст.
Неколку дена потоа, Барија повторно е снимена, овој пат во друштво само со Амал, додека го напуштаат хотелот и одат на ручек, а сите заедно вечерале во ресторан во Њујорк.
Убавата Амал Клуни ја наследила убавината од мајка си, но и интелигенцијата.
Имено, Барија Аламудин и самата е исклучително успешна новинарка, која за својата работа е наградувана, а со години работи како телевизиска водителка и уредничка.
