Амал и Џорџ Клуни докажуваат дека се најгламурозната моќна двојка додека ја привлекуваат холивудската елита на хуманитарен настан во Њујорк во чест на „бранителите на правдата“.
Џорџ Клуни и Амал Клуни изгледаа неверојатно пречекувајќи голем број личности од шоубизот на нивните втори годишни награди Алби, одржани во Јавната библиотека во Њујорк. Наградата Алби ја доделува Фондацијата Клуни на, како што велат, „храбрите бранители на правдата кои се соочуваат со голем ризик за она што го прават“.
Овогодинешните почесни награди ги доби една украинска невладина организација, активист од Конго и двајца ирански новинари кои ја раскажаа приказната за убиството на Махса Амини, кое започна востание за слободата на жените во нивната земја.
Наградата е именувана по судијата Алби Сакс, меѓународно познат јужноафрикански адвокат, кој беше затворен, а потоа протеран поради неговиот активизам против режимот на апартхејдот.
Пријателите на парот дојдоа да ја покажат својата поддршка, меѓу кои Емили Блант, Џон Красински, Даниел Крег, Рејчел Вајс, Скарлет Јохансон, Мет Дејмон, Ен Хатавеј, Синди Крафорд и други.
Амал Клуни како водителка и домаќинка на вечерта избра спектакуларен бел фустан со светки. Изгледот го надополнила со дијамантски обетки и нараквица, како и мала сатенска чанта.
Џорџ Клуни ја поддржа сопругата во елегантен класичен смокинг.
На вечерта присуствуваше и мајката на Амал, либанската новинарка Барија Аламудин.
Matt Damon and his wife Luciana Barroso attend the George & Amal Clooney Foundation for Justice Albie Awards gala pic.twitter.com/rYAQb43jZP
— The Hollywood Reporter (@THR) September 29, 2023
Во еден момент, холивудската моќна двојка позираше и со модната дизајнерка Донатела Версаче и магнатот за убавина Шарлот Тилбери.
На вечерта на Амал и Џорџ дојдоа и Даниел Крег и Рејчел Вајс, Синди Крафорд и Ранде Гербер, Џулијан Мур и Барт Фројндлих, Мет Дејмон и Лусијана Барорсо…
Вечерта ги вклучи и триумфалните ѕвезди Грета Гервиг и Ноа Баумбах, кои го слават успехот од милијарда долари на нивниот филм „Барби“.
Интересно е што настанот пак ги обедини актерките: Мерил Стрит и Ен Хатавеј седеа една до друга 17 години по нивниот филм „Ѓаволот носи Прада“.
