Финалистот од неодамна завршената деветнаесетта сезона на музичкото натпреварување „Ѕвездите на Гранд“, Ненад Хорват, неодамна престојувал на егзотичниот Бали, каде што поминал незаборавни денови во интересно друштво.
Со него на патувањето била и поранешната учесничка во шоуто, Татјана Пејчиќ, а целата организација била дело на Марија Шерифовиќ. Пејачката сакала да приреди роденденско изненадување за блиска пријателка, па ги поканила и двајцата млади пејачи.
Ненад ја запознал Марија во текот на минатата сезона, кога таа сè уште беше дел од жирито, но овојпат имал можност да ја види и нејзината приватна страна, за која зборуваше во интервју за „Гранд“.
„Не може да се спореди каква е деловно и приватно. Немав чувство дека сум со неа, толку бевме опуштени, постојано се шегувавме и се смеевме. Во еден момент си велев: ‘Човеку, јас се дружам со Марија и се капам со неа во океанот’. Навистина немам зборови со кои би можел да го опишам тоа“, изјави Ненад со насмевка.
За време на престојот на Бали, Ненад доживеал многу интересни моменти, но една случка особено му останала во сеќавање. Главни актери биле токму тој и Марија.
„Марија ме возеше на мотор, бидејќи таму тоа е најпрактичниот начин за движење низ сообраќајот. Никогаш нема да го заборавам тоа. Дури и таа ме праша дали можам да поверувам дека токму таа ме вози на мотор“, раскажува пејачот.
Но, авантурата добила неочекуван пресврт.
„Влеговме во една слепа улица и одеднаш на крајот се отворија врати. Од нив излегоа четиринаесет кучиња кои тргнаа кон нас. Во тој момент бев убеден дека ни дојде крајот. Почнав дури и да се збогувам со Марија“, се присетува низ смеа Ненад.
Вистинската причина за патувањето на Бали била забавата што Марија ја организирала за својата пријателка. За изненадувањето да остане тајна, Ненад и Татјана неколку дена внимавале никој да не ги забележи.
„Колешката и јас се криевме за никој да не нè види и да не го расипеме изненадувањето“, открива тој.
Кога станува збор за музиката, Ненад вели дека Марија точно знаела што сака да слушне од нив.
„Таа добро знае што сакаме и умееме да пееме, па ни оставаше сами да го избереме репертоарот. Особено го паметам моментот кога првпат пеев песна од Шабан Шаулиќ. Тоа беше голем предизвик за мене и имав трема, но мислам дека беше задоволна и дека токму по таа песна ќе ме памети“, изјави Хорват.
