Синџирот кина „Шоукејс синемас“ (Showcase Cinemas) спроведе анкета за да дознае од граѓаните на Велика Британија кој е нивниот омилен божиќен филм.
Филмот Home Alone („Сам дома“) од 1990 година доби 19 отсто од гласовите во анкетата спроведена пред празничната сезона и е прогласен за најдобар божиќен филм на сите времиња во Велика Британија.
На второ место се наоѓа филмот Elf („Џуџе“) од 2003 година со 14 отсто гласови и на трето место Love Actually („Всушност, љубов“) со 13 отсто гласови. Освен за филмови, тие гласаа и за своите омилени ликови во божиќните филмови.
„Сам дома“ е семејна комедија од 1990 година, напишана и продуцирана од Џон Хјуџс и режирана од Крис Колумбус.
Филмската ѕвезда Меколи Калкин го игра Кевин МекКалистер, осумгодишно момче, кое по грешка е оставено дома кога неговото семејство лета за Париз за нивниот божиќен одмор.
Кевин на почетокот ужива сам дома, но подоцна ќе биде посетен од двајца крадци, кои ги играат Даниел Стерн и Џои Пеши. Во филмот исто така со своето актерство се истакнуваат Кетрин О’Хара и Џон Херд како родители на Кевин.
Почнувајќи од 2009, „Сам дома“ беше највисоко рангирана комедија на сите времиња.
