Биографскиот филм за поранешната кралица на попот, Мадона, кој таа самата требаше да го режира, е откажан од непосредните планови на Universal Pictures.
Но, зошто е откажан филмот, многумина се прашуваат.
Одговорот е едноставен – поради неодамнешната најава за светската турнеја на пејачката за прослава на 40 години успешна кариера.
Ова го објави Variety, кој цитира неколку извори блиски до реализаторите на проектот и кои повторно ја обединија Мадона со продуцентката Ејми Паскал, со која работеше пред 30 години во филмот A League of their Own.
The Madonna biopic starring Julia Garner has been scrapped. Madonna was set to direct the film herself.
(https://t.co/st6PANRMjB) pic.twitter.com/UL4HGQM7WE
— Film Updates (@FilmUpdates) January 24, 2023
Откако Мадона минатата недела објави дека ќе тргне на турнеја за да ги прослави своите 40 години кариера, почнаа да се шират гласини за тоа што ќе се случи со филмот, бидејќи се е во тек за да започне претпродукцијата.
Но, со оглед на успехот на продажбата на билетите за „Madonna’s Celebration Tour“, која се распродаде за неколку минути во неколку градови, за снимањето на филмот ќе треба да се почека на неодредено време, па многу е можно тој да не биде направен во следните две или три години.
Всушност, минатиот јуни беше објавено дека лицето задолжено да ја оживее Мадона на големото платно ќе биде трикратната добитничка на Еми за најдобра споредна женска улога за Ozark: Џулија Гарнер.
The anticipated biopic of music legend Madonna is taking an indefinite holiday. The project, which the icon was going to direct herself, is no longer in development at Universal Pictures. https://t.co/AmmkuOMmLK pic.twitter.com/qpzceTs113
— Variety (@Variety) January 24, 2023
Гарнер, која исто така неодамна го освои Златниот глобус во истата категорија за нејзиниот лик на Рут Лангмор во Озарк, ги победи актерките и пејачките кои се натпреваруваат за улогата како Флоренс Пју, Одеса Јанг и Бебе Реџа.
Сите тие мораа да земат часови по пеење и танцување за да ја оживеат на филмското платно креаторката на хитовите како Like a Virgin, Material Girl и Papa Don’t Preach.
Филмот беше во развој од 2020 година, но официјалното соопштение беше објавено минатата година.
Мадона веќе има два филма како режисер: Filth and Wisdom (2008) и W.E. (2011), историска романса за абдикацијата на кралот Едвард VIII од британскиот престол за да се ожени за разведената Американка Волис Симпсон.
The Madonna biopic that was to be directed by Madonna is no longer in development at Universal Pictures. The news comes after the singer announced a massive world tour https://t.co/4ZB7l2bkr2 pic.twitter.com/OXkbwJS2l7
— The Hollywood Reporter (@THR) January 24, 2023
