Александра Пријовиќ со своите пет спектакуларни концерти ги сруши рекордите на Арена Загреб, а сега почнаа да кружат информации за цифрата што ја заработила.
Околу 90.000 луѓе дошле да ги гледаат концертите на Александра во текот на пет дена, а според првите проценки таа од продажбата на билети заработила околу 2.780.000 евра. Цената на најефтиниот билет беше 25 евра, а најскапиот 130 евра, пренесува Дневник.хр.
Така, вкупната сума на заработка од петте Арени во Загреб изнесува 2,780.000 евра.
Секако, тоа не е нејзината вкупна заработка, бидејќи дел од неа оди за изнајмување на арената, сценографија, продукција, бендот и други слични расходи. Но, според ценовникот на „Арена Загреб“, таа за сите пет концерти платила околу 120 илјади евра, а нето заработила околу 2,5 милиони евра.
А благодарение на Александра, секако, профитираа и загрепските хотели, сопствениците на апартмани, таксистите, рестораните, како и транспортните компании од цела Хрватска и од соседните земји, од каде пристигнаа многу фанови.
Инаку, пред Загреб, Александра настапуваше во Сараево и во Белград, каде по три концерти, според пресметките на медиумите, откако ги платила сите трошоци и даноци, заработила фантастични 946.206 евра.
