Ердоган: Шведска и Финска може да влезат во НАТО откако ќе ги исполнат барањата на Анкара.
Турскиот претседател Реџеп Таип Ердоган изјави дека одобрувањето на Анкара на барањата за приклучување кон Северноатлантската алијанса на Шведска и Финска ќе зависи од нивното исполнување на обврските од Мадридскиот меморандум за борба против тероризмот. Тој оваа изјава ја даде денес, на 4 ноември, на средбата во Истанбул со генералниот секретар на НАТО Јенс Столтенберг, пренесува ТАСС.
„Одобрувањето [од страна на Турција] за приклучување на Финска и Шведска во НАТО ќе зависи од темпото на нивното исполнување на нивните обврски од Мадридскиот меморандум“, рече Ердоган.
Претходно Столтенберг изјави дека Финска и Шведска ги исполниле барањата на Турција и дека е време да ги прифатат во алијансата.
Потоа турскиот министер за надворешни работи Мевлут Чавушоглу изјави дека, според Турција, Шведска и Финска не ги исполниле сите пропишани барања на Анкара за влез во НАТО.
Пред тоа пак, турскиот министер за правда Бекир Боздаг изјави дека Финска и Шведска се уште не испорачале ниту еден терорист во Турција, додека турската страна продолжува да инсистира на екстрадиција на лица вклучени во терористички активности.
