Даниел, синот на Сузана Јовановиќ, сопругата на покојниот Саша Поповиќ стана татко. Неговата сопруга Тијана роди девојче кое го крстија Марта, а гордата баба не ја криеше својата среќа за добрата вест.
Инаку, малку се знае за приватниот живот на Даниел, а неговата сопруга неодамна се појави пред камерите. Тијана, во доцната бременост, зборуваше за Саша Поповиќ во документарец кој беше снимен во негова чест.
-За мене, тој беше поддршка, потпора, сигурност. Беше човек со отворено и широко срце. Од првиот момент кога се запознавме, тој некако ме прифати како член на семејството и никогаш не почувствував дека не припаѓам таму. Го прифаќаш без дури ни да го познаваш. Го прифаќаш како свој. Тој секогаш даваше, и материјално и емоционално, подеднакво и на своите деца и на мене. Не нè одвојуваше во ништо- рече таа тогаш.
Сопругата на Даниел, Тијана, дипломирала на Економскиот факултет, а со години работи како шминкерка во „Гранд“. Саша и Сузана организираа свадба за Даниел и Тијана во 2022 година, на која присуствуваше целата естрада.
