Фолк-пејачката Елена Велевска има уште една голема причина за гордост. Нејзината најстара ќерка, Софија, која неодамна стана полнолетна, покажа дека има голем талент за уметност.
Откако неодамна во родниот Охрид Софија го прослави својот 18-ти роденден, таа им се врати на своите креативни обврски. Овој пат, таа не се појави со микрофон како нејзината мајка, туку ги освои симпатиите на публиката преку глумата.
На социјалните мрежи, гордата мајка Елена сподели моменти од театарската претстава во која учествуваше Софија. На фотографиите се гледа Софија во елегантен портокалов фустан, како самоуверено ја владее сцената и разменува реплики со своите колеги.
Во претставата, Софија изгледаше како вистинска професионалка, а судејќи по нејзиниот став на сцената, ова е можеби само почеток на една успешна приказна.
Велевска не објасни каде глумела нејзината настара ќерка, но со сликите покажа колку е горда на неа. Пејачката има уште две деца, Калија и Марко.
