Едита Арадиновиќ и нејзиниот поранешен партнер Ненад Стевиќ вчеравечер биле забележани на истиот настан. На промоцијата на новиот албум на Игор Паниќ Нучи („Две Барбики“) во една позната сала, пејачката се појавила меѓу првите.
Нешто подоцна, според пишувањата на медиумите, пристигнал и Ненад, со кого Едита раскинала кратко откако се дознало дека е бремена.
Не е познато дали и како се поздравиле, но како што Арадиновиќ неколку пати истакнала и јавно, останале во коректни односи, особено поради детето, односно ќерката што ја очекуваат.
Таа е во седмиот месец од бременоста. При доаѓањето на настанот истакнала дека се труди да се експонира што помалку и да води мирен и здрав живот.
„Се чувствувам одлично, сè подобро и подобро. За два месеца е породувањето… Немам стравови сè уште, не се плашам. Му се предадов на Бога, знам дека сè ќе биде добро. Жената може сè да надмине. Се расплакувам на сè, се шокирам колку е тоа интензивно во бременоста“, изјавила таа пред присутните медиуми, на промоцијата на Нучи по повод издавањето на новите песни.
