Пејачката Едита Арадиновиќ се породи и на свет донесе девојче, а според информациите што ги пренесуваат српските медиуми, мајката и бебето се во добра здравствена состојба.
Породувањето било извршено со царски рез во Гинеколошко-акушерската клиника „Народен фронт“ во Белград. Иако пејачката сè уште не се огласила јавно, блиски извори наведуваат дека е пресреќна што конечно ја запознала својата ќерка.
Пејачката утрово им се обрати и на своите следбеници, откривајќи дека поради породувањето не била активна на социјалните мрежи.
„Не ме имаше вчера затоа што се породував, но тука сум. Продолжуваме со содржините, само да застанам малку на нозе“, напиша таа низ шега.
Потоа објави и фотографија со својата ќерка и додаде:
„Зоја, 22.07.2026. Ви благодарам, добри луѓе. Ова чувство е незаменливо!“
Нејзината наследничка го доби името Зоја, кое потекнува од грчкиот јазик и значи „живот“. Ова име често се поврзува со радост, нов почеток и животна енергија.
Татко на девојчето е Ненад Стевиќ, со кого Едита повеќе не е во емотивна врска. Пејачката за првпат го претстави во јавноста кон крајот на минатата година, кога заедно се појавија на концерт на нејзина колешка.
По веста дека очекуваат дете, двајцата ставија крај на љубовната врска, но останаа во добри односи. Според досегашните информации, заеднички ќе се грижат за нивната ќерка Зоја.
