Пејачката Сека Алексиќ отворено зборуваше за тешкото детство, а малкумина знаат дека со својот татко со години не била во добри односи. На гостувањето во емисијата „На терапија со Славица Ѓукиќ Дејановиќ“, Сека се расплака додека зборувала за детството и покојниот татко.
„За време на војната целосно го прекинавме контактот. Очувот ме учеше историја, тоа никогаш нема да го заборавам – тој чита наглас, а јас треба да запаметам додека размислувам што ќе облечам вечерта. Но, тој толку многу се трудеше за мене. Учењето историја, српски, германски … Тој навистина се трудеше и верувајте ми, имав толку силен впечаток дека тој е мојот татко, мој заштитник, тој маж кој ми недостигаше низ целото детство, а и денес. Тој тоа делумно го надомести, навистина, но клучната работа во сето тоа беше мајка ми, која секогаш зборуваше дека мојот татко е најдобар, дека е прекрасен човек и дека не е добар само кога ќе испие, но дека тоа не го прави лош човек, туку е малку строга природа. Мајка ми никогаш не кажа ништо лошо за татко ми и секогаш ме учеше дека татко е татко и дека никој друг не може да биде татко“, се присети пејачката.
