Силвија Ѓогани, ќерка на танчерот Ѓоле Ѓогани и пејачката Слаѓа Делибашиќ, откри низ што поминала кога се врати од Дубаи во Србија, поради немирите на Блискиот Исток.
Силвија и нејзината ќерка се вратија од Дубаи во Србија по драматичните денови што ги поминала на Блискиот Исток, каде што, како што вели, секојдневно слушала аларми и детонации.
Силвија откри дека одлуката да се врати ја донела по десет дена неизвесност и страв, особено поради нејзината ќерка, која тешко се справувала со ситуацијата.
– Среќна сум што пристигнавме. Сега можам само да зборувам за сето тоа. Многу луѓе ми се јавија, но не бев во можност да зборувам. Колку и да велат некои дека е безбедно, кога си во средина на таква ситуација, кога има постојани аларми и слушаш детонации, не ти е сеедно. Бевме во таа состојба десет дена, се вративме на единаесеттиот ден – рекла Силвија.
Таа додала дека ситуацијата била особено напната во последните денови.
– Четири или пет дена беше мирно, но последните неколку дена алармите беа постојани. Нè разбудија, ќерката беше исплашена. Тоа е ужасен звук. Бевме будни речиси 24 часа пред да дојдеме, таа се плашеше да спие поради алармот. Седевме на рецепцијата чекајќи го нашиот лет – рекла таа.
Иако добро се снаоѓаше во Дубаи и имаше план да започне нов живот таму, безбедноста одлучи.
– Планот беше трајно да се преселам таму. Имав одлична деловна можност како инфлуенсер и веќе потпишав соработки со некои брендови. Сепак, ништо не е поважно од нашата безбедност, затоа се вративме во Србија – објаснила таа.
Враќањето дома беше многу емотивно за целото семејство.
– Мама и тато беа пресреќни. Имаше солзи радосници и кај мама и кај тато, но и кај сестра ми – рекла Силвија.
Како што вели таа, сега сè почнува од нула.
– Веднаш најдов место за живеење. Сега кога се вратив, почнувам од нула. Моментално немам никакви планови да се вратам во Дубаи. Тоа е најубавиот град на светот за мене, посебно искуство и енергија, но не сега – заклучила таа за „Блиц“.
