Српскиот водител и актер Драган Маринковиќ Маца (57) објави фотографија од својата сопруга Јована, придружена со духовит коментар за изборот на партнер. Иако таа ретко се појавува во јавност, нивната љубовна приказна често го привлекува вниманието.
Во објавата на Инстаграм, Маца ја покажа Јована во црвена маица и маска како „жена-мачка“, со опис: „Изборот на партнер е сериозен тест на интелигенцијата… А ова е мојот избор“.
View this post on Instagram
Иако меѓу нив постои значителна разлика во години, Маца и Јована се пример дека вистинската љубов не познава пречки. Тој претходно открил дека често „намерно шетал“ за да ја „случи“ средбата со Јована, а нивното запознавање брзо прераснало во сериозна врска.
Парот стапил во брак само неколку месеци по почетокот на забавувањето.
„Почнавме да се забавуваме на 8 септември, а веќе на 14 јануари се венчавме. На нејзиниот роденден ја изненадив – ѝ значеше тој документ,“ изјави Маца во емисијата „Магазин Ин“.
Маца нагласува дека Јована одлично се разбира со неговите синови и дека и двајцата имаат желба да станат родители. И покрај тешката загуба со која се соочиле, нивната надеж останува силна.
„Јована прекрасно се сложува со нив. Таа заслужува да има деца. Имавме една тешка ситуација, но верувам дека ќе ни подари Бог да се оствариме како родители. Јас би сакал двесет деца, никој нема да биде гладен. Мојата најголема желба е да имаме 11 деца – фудбалски тим, да живееме во хациенда. Нас 13 на трпеза,“ рече тој.
