Актерот Мет Лебланк (56), најпознат по улогата на Џои од серијата „Пријатели“, е виден како вози низ Лос Анџелес откако светските медиуми ја објавија смртта на неговиот колега Метју Пери. Тој беше депресивен, а претходно оваа година Метју го нарече Мет „помал брат“. Лебланк во серијата глумеше неодговорен цимер за кој се грижеше Пери, односно Чендлер, но во реалноста ситуацијата беше поинаква.
Метју Пери имал проблеми со зависноста од алкохол и дрога, секогаш фантазирал за голема слава, додека Лебланк бил поприземен. Се школувал за столар, сакал мотоцикли, а по напуштањето на факултетот заминал во Њујорк и се испробал во манекенството. Снимаше реклами за бројни брендови, но поради висината не се појави на модните писти.
Пред да добие улога во серијата Пријатели, тој имал само 11 долари во џебот. Една година пред да заврши серијата, во 2003 година, Мет се ожени со американската актерка Мелиса Мекнајт (58). Тие ја добија ќерката Марина Перл (19), а осум месеци подоцна ѝ беше дијагностицирано нарушување на мозокот. Тие сфатиле дека нешто не е во ред со девојчето, бидејќи секогаш паѓала на левата страна штом ќе се обидела да лази. Мет се повлече од светот на глумата и се посвети на одгледувањето дете.
Откако докторите ѝ поставиле дијагноза, ги предупредиле родителите дека болеста може да ги зафати дури и нејзините гласни жици и дека нема да може да зборува.
Мет Лебланк се разведе од Мелиса во 2006 година, а до 2011 година целосно се огради од медиумите.
„Не знам дали тоа беше болеста на ќерка ми или фактот дека бев премногу фокусиран на работата, но почувствував дека сум прегорен и ми треба време да се дистанцирам. Му се јавив на агентот и му реков да го заборави мојот телефонски број, неколку години целосно се откажав, за среќа, успеав. Тоа беа моментите кога се чувствував дека ќе доживеам нервен слом. Не морав да правам ништо некое време“, изјави во една прилика актерот.
Со ќерката се пресели на ранч во Калифорнија.
„На ќерка ми и беше дијагностициран проблем со мозокот. Беше многу мрачен период, но успеавме да го надминеме. Зарем не велат она што не те убива те прави посилен? Се сеќавам кога се роди. Од моментот кога ја видов, се заљубив и никогаш досега не сум се чувствувал така. Не можев да поверувам. Во тој момент знаев дека ништо нема да ме спречи да ја сакам“, објасни тој.
Во меѓувреме, Марина ја победи болеста и често се појавува на црвениот тепих со нејзиниот славен татко.
