Марко Маринковиќ-Слаткаристика предизвика силни емоции во регионот со својата последна објава на социјалните мрежи.
На фотографијата, тој позира во Скопје пред македонските знамиња, облечен во фудбалски дрес на репрезентацијата на Босна и Херцеговина со неговото уметничко име испишано на грбот.
Слаткар упати директна поддршка до босанската репрезентација, евоцирајќи спомени од детството, но и набројувајќи ги музичките легенди од БиХ кои влијаеле врз неговата кариера.
„Почитувана репрезентацијо на БиХ, Ова е голема чест за мојата маленкост.
Јас сум роден 1986 година во Скопје, СФРЈ Југославија. Први соседи ми беа Јасмин и Мујо, играв фудбал со Сеад, крав кајсии со Мирсад, а мојот колега и пријател Елвир во моментов ми помага да го коригирам овој текст.
Додека го градев својот стил на пишување песни, многу гледав и учев од Едо Маајка, а денес му се восхитувам на Буба Корели. Преку Дубиоза Колектив сфатив дека музиката нема граници, а со Дино Мерлин научив како емоцијата во песната може да трае засекогаш..
Јас и Един Џеко сме родени во иста држава, иста година. Па нормално ‘Болан’ дека ќе навивам за Босна и Херцеговина. Не е тоа само до фудбалот, тоа е љубов кон народодот од кој низ животот добивав само топли зборови, искрени насмевки и спомени кои не се забораваат.
