Дијана Јанковиќ, попозната како Диди Џеј, објави нов музички спот, а во интервју за Пинк зборуваше за нов проект, а откри и нови достигнувања што ги постигна во Америка кога станува збор за нејзината кариера.
– Мојот нов музички спот излезе пред неколку дена, се појавив на сите билборди и тоа беше големо изненадување за мене. Не можев да верувам дека ми се случува толку голем успех, сите се свртеа и фотографираа. Тоа е голем успех за мене, мислам дека сум првата Србинка што е на таков билборд – рече Диди и продолжи:
– Мојот спот се појави на каналот Ем-ти-ви, мислам дека ќе биде уште поголем хит. Ќе се пушта неколку пати на ден, а песната излезе пред неколку дена, веќе е многу слушана и вклучена во најжешките нови песни во светот заедно со Карди Би и други големи светски имиња – рече пејачката.
Таа зборуваше за животот во Америка.
– Многу добро се вклопувам во Америка, тие се воодушевени што сум храбра и што дојдов од Србија и успеав. Бев на сите најголеми модни ревии, видов многу ѕвезди, се дружев со Лил Ким и познати инфлуенсерки. Многу е гужва, но веднаш влегувам и не морам да чекам да влезам на ревијата. Секој ден добивам покани за овие настани, не можев да стигнам до Милано – рече таа во емисијата „Premier-Weekend Special“ и продолжи.
