Времето не ги залечи раните меѓу Џорџ Клуни и Дејвид О. Расел. 63-годишниот оскаровец на 13 август во заедничко интервју со Бред Пит за магазинот GQ се потсети на искуството од соработката со познатиот режисер.
25 години откако Клуни и Расел се судрија на сетот на филмот „Три кралеви“ во 1999 година, актерот за прв пат проговори за нивната соработка. Во филмот, заснован на приказната на Џон Ридли, тој ја играше главната улога на Арчи Гејтс.
View this post on Instagram
Ѕвездата на „Дванаесетте на Оушн“ рече дека сега е поселективен во однос на луѓето со кои работи. Актерот не е подготвен да се жртвува за да „добие добар производ“. Во интервјуто, Клуни рече дека откако бил сведок како Расел ги навредува членовите на екипажот, ги понижувал пред другите, напишал писмо до режисерот, молејќи го да се смири заради проектот.
„Снимав навистина добар филм, како Три кралеви… Но, Дејвид О. Расел ми го направи животот пекол. Го направи животот на сите пекол“, изјави Џорџ. Работењето на филмот го нарече „навистина најлошото искуство“ во неговиот живот, а Расел го навредувал Клуни на секој можен начин на сетот и еднаш се обидел да започне тепачка. Ѕвездата на „Гравитација“ истакна дека, иако го цени режисерскиот талент на Дејвид О. Расел, тој не сака никогаш повеќе да работи со него.
