„Се плашам дека е неопходно да се подготвиме за долга војна, бидејќи Путин прибегнува кон кампања на истрошеност, обидувајќи се да ја уништи Украина со бруталност“ – рече британскиот премиер Борис Џонсон за Сандеј Тајмс.
„Времето е витален фактор“. „Сè ќе зависи од фактот дали Украина ќе може да ја зајакне својата способност да ја брани територијата побрзо отколку што Русија може да го обнови својот капацитет за напад“ — додава тој.
На исто мислење се и НАТО.
„Војната во Украина може да трае со години“ – ова го изјави генералниот секретар на НАТО Јенс Столтенберг во интервјуто што денеска го објави германскиот весник „Билд“.
„Треба да бидеме подготвени дека таа ќе трае со години“, рече тој, сугерирајќи „да не се ослабува поддршката за Украина, дури и ако трошоците се високи, не само во однос на воената поддршка, туку и поради зголемените цени на енергијата и на храната“.
