Од Хелсинки каде што е на концерт на Блуз фестивалот со Џеф Бек, Џони Деп испрати порака до фановите: „Има многу профили на социјалните мрежи кои се претставуваат дека се мои или на оние кои работат со мене“, ги предупреди актерот неговите речиси 26 милиони следбеници на Инстаграм.
„Информиран сум дека има лажни профили кои се преправаат дека сум јас и луѓе кои работат со мене. Немам приватни или секундарни профили или платформи. Ова се единствените страници со кои управуваме јас и мојот тим каде што споделуваме ажурирања и објави. Ве замолувам да бидете внимателни бидејќи се чини дека овие лажни профили можат да бидат немилосрдни. Мојот тим работи на борба против проблемот. Ви благодариме за вашата континуирана поддршка и што ме информиравте за ова прашање“.
