Џон Траволта вели дека неговото искуство на средба со смртта (додека управувал со авион во 1992 година) го инспирирало да прифати нова улога во краткиот филм на Дизни насловен „Овчарот“.
„Овчарот“ ја раскажува приказната за млад пилот кој се обидел безбедно да слета откако доживеал дефект на авионот додека бил во воздухот. Заплетот на приказната е морничаво сличен на она што го доживеал Џон Траволта, инаку лиценциран пилот, во 1992 година.
Потсетувајќи се на инцидентот на промоцијата на филмот во четвртокот во Лондон, Траволта рече дека доживеал дефект на авионот додека летал над Вашингтон со своето семејство.
„Знам какво е чувството кога мислиш дека ќе умреш“, рече Траволта. „Имав два млазни мотори, но инструментите откажаа, немаше струја, ништо… Мислев дека е готово“, вели.
За среќа, на крајот сепак, безбедно слетал. Затоа го привлекло сценариото кое се темели на истоимената книга на Фредерик Форшит од 1975 година, пишува Си-ен ен.
Во краткиот филм Траволта глуми Самарјанин кој го води младиот пилот (во улога на Бен Радклиф) на сигурно откако се наоѓа во опасност зашто му откажуваат радио-врската и струјата, со ограничено гориво во авионот.
Траволта нагласи дека Редклиф „го доближи тој очај кога мислите дека тукушто ќе умрете“.
Глумецот рече дека приказната длабоко го допрела зашто се работи „за живот и смрт и за тоа колку е скапоцен животот“.
