Џина Џиновиќ се врати во Србија по неколкунеделното крстарење со мајка ѝ и очувот на луксузна јахта вредна 10 милиони евра.
Ќерката на Харис Џиновиќ по пристигнувањето на белградскиот аеродром веднаш го привлече вниманието со своето издание. Таа од авионот излезе во краток фустан со цветен дезен, со испеглана коса и без шминка.
Џина на аеродромот била забележана од екипата на „Блиц“, а во еден момент ставила и очила за сонце. Во нејзино друштво бил возачот, со кого тргнала да го бара изгубениот куфер.
Откако проблемот бил решен, двајцата заедно се упатиле кон автомобилот.
Иако пред нејзиното пристигнување се шпекулирало дали на аеродромот ќе ја пречека нејзиниот брат или татко, тоа овојпат не се случило.
Џина претходните недели ги поминала на крстарење со мајка ѝ и очувот, од каде што редовно објавувала снимки и детали од патувањето.
Таа открила дека за време на патувањето посетиле дури 25 острови. Сепак, како што раскажала, деновите не ги поминувала само во уживање и забави, туку најчесто посетувале музеи и други знаменитости.
„Посетивме 25 острови. Сега веројатно ќе помислите дека посетувам барови, но не. Тие ме водат по музеи, сето тоа е прекрасно, но во еден момент е доста. Ме будат во девет часот наутро, а јас сум човек кој сака да спие до 12 часот, но сега тоа го менуваме“, раскажала Ѓина во еден од своите видеоблогови.
Таа признала и дека во последната година почнала да живее поинаку и дека направила промени во своето секојдневие.
„Во последната година малку живеам побрзо, би се рекло. Престанав да излегувам, што не значи дека нема повторно да излегувам. Наскоро ми почнува факултетот. Тие ме будат, а мене не ми е добро затоа што сум навикната поинаку“, споделила таа.
Џина открила дека времето на патувањето го користела и за работа на себе. Вежбала, се обидувала да биде посмирена и да го промени својот начин на живот.
„Во текот на денот сум малку нервозна, а потоа тренирам и ја исфрлам негативната енергија од себе. Учам да бидам смирена, сталожена и вредна. Ќе видиме колку долго ќе трае тоа“, рекла таа.
Младата Џина отворено зборувала и за тоа дека сака да се опкружува со луѓе кои работат и создаваат.
„Јас сум малку нестабилна, сакам да бидам нормална. Почнав да се дружам со луѓе кои работат и создаваат. Важно е што јас сакам да променам некои работи во животот. Имам можност да променам некои работи во животот и сакам да го направам тоа“, порачала таа.
