Манекенот Охани Ноа ги откри најинтимните детали за својата поранешна партнерка.
View this post on Instagram
Поп ѕвездата Џенифер Лопез повторно е на работ на развод и по втор пат ќе ја прекине врската со актерот Бен Афлек. Додека оваа гласина со месеци ги полнеше колумните во весниците, денеска стигна потврда дека парот поднел барање за развод, и дека се чека официјалното соопштение на Џеј Ло и Афлек.
Своевремено, првиот сопруг на пејачката, Охани Ноа, проговори за музичката ѕвезда и истакна дека нејзината природа е таква што никогаш не се смирува, а веќе веднаш по венчавката со Афлек бил сигурен дека на повидок наскоро е развод!
– На неа и на Бен им посакувам се најдобро, но не сум убеден дека бракот ќе потрае – изјави тогаш Ноа за Daily Mirror, објаснувајќи ги подетално своите зборови:
– Мислам дека таа е некоја што ќе се мажи седум или осум пати. Не можам да замислам дека може да се смири околу една личност. Постојано се наметнува себеси во професионалниот живот, поради што има кариера долга три децении. Но, таа продолжува да оди напред и во приватниот живот.
Тој беше во брак со Џенифер само една година, помеѓу 1997 и 1998 година, а потоа таа повторно се омажи во 2001 година, за Крис Џад. Тој брак траеше две години. Таа беше во врска со контроверзниот рапер Пи Диди, потоа со Бен Афлек, кого го остави и се омажи за Марк Ентони, со кој има две деца.
– Џен сака да биде заљубена, но да бидеме реални, таа беше свршена шест пати. Бен е нејзин четврти сопруг. Јас бев првиот, а таа ми рече дека сум љубовта на нејзиниот живот. Додека лежевме во кревет на првата брачна ноќ, таа рече дека засекогаш ќе бидеме заедно – изјави Ноа и додаде:
– Ние сме пријатели со децении, јас не сум некој келнер со кој таа беше, туку бев манекен, оженет со најубавата жена што сум ја видел. Таа стана мегаѕвезда додека бевме заедно, а сите паразити кои ја опкружуваа го осудија нашиот брак. Молчев со години, само сакав да продолжам со мојот живот. Но, сега сите мои емоции се вратија.
Бен Афлек и Џенифер Лопез се верија на крајот на 2002 година, но ја прекинаа врската пред свадбата, во 2004 година.
Двојката се смири во 2021 година по 20 години, а Афлек во меѓувреме има три деца со актерката Џенифер Гарнер, додека пејачката роди близнаци со музичарот Марк Ентони.
Во август 2022 година, тие се венчаа на раскошна церемонија на неговиот имот во Џорџија.
