Поранешната сопруга на Бен Афлек, актерката Џенифер Гарнер е среќна што сега за него ќе се грижи неговата нова сопруга Џенифер Лопез. Ова го изјавија неколку извори за Page Six.
„Сигурна сум дека е воодушевена што се ослободи од четвртото дете“, изјави еден од соговорниците за Пејџ Сикс, навестувајќи дека покрај трите деца, актерката се грижела и за нејзиниот поранешен сопруг.
Ова беше потврдено и од друг извор.
„Џен е прекрасна мајка, таа навистина ги воспитува своите деца и прекрасно е што сега нема четврто дете“, рече изворот.
Џенифер Гарнер не присуствуваше на свадбата на Бен Афлек и Џенифер Лопез во сабота на 20 август. Сепак, трите деца на парот – Виолет (16), Серафина (13) и Семјуел (10) беа меѓу гостите.
Самата Џенифер Гарнер беше фотографирана во продавницата Sam’s Club во Јужен Чарлстон, Западна Вирџинија, неколку часа пред свадбата на Афлек и Лопез. Насмеаната актерка беше придружувана од нејзиниот татко Вилијам и нејзиното момче, бизнисменот Џон Милер.
Џенифер Гарнер и Бен Афлек беа во брак од 2005 до 2018 година. Тие се разделија во 2015 година, но официјално се разведоа неколку години подоцна.
