Џејсон Момоа (43) минатата недела ги шокираше фановите откако ја избричи косата, а сега има и тетоважа на главата.
Момоа се огласи на својот Инстаграм профил за да ја покаже својата нова племенска тетоважа на едната страна од главата и напиша: „Почестен сум што сум дел од овој моќен момент во мојот живот. Го споделив овој ден со некои од моите Охани“.
Многу обожаватели реагираа на неговиот нов изглед, а актерот од „Брзи и бесни“, Тајрис Гибсон напиша, „Те сакам голем брате, твојот дух е скромен, толку заразен и сјаен! FastX ќе биде закон… Добре дојде во Fast Family!!!!“
Пријател на околината
На почетокот на месецот Момоа покажа дека се грижи за околината преку видео снимено додека му ја бричат главата: „Алоха до сите“, започна со поздрав и додаде: „Подај ми ги плетенките“. Додека држеше два долги прамени исечени во плетенки, актерот од „Игра на тронови“ продолжи да зборува додека машинките му ја бричеа косата. „Ја бричам косата… го правам тоа за…“, рече тој пред да ја покаже свежо избричената страна на главата. „Никогаш не сум почувствувал ветер таму“, додаде тој. „Го правам тоа за пластика за еднократна употреба. Уморен сум од користење пластични шишиња, мораме да престанеме, пластичните виљушки, сето тоа оди во нашата земја, оди во нашиот океан“, продолжи Момоа.
View this post on Instagram
