Контроверзниот рапер Драгомир Деспиќ – Десингерица во отворено интервју проговори за односите со колегите од музичкото шоу „Пинови ѕвезди“, но упати и жестоки критики на сметка на Марија Шерифовиќ и музичкиот фестивал Евровизија.
Говорејќи за колегите од жирито, Десингерица истакна дека одлично се согласува со Вики Миљковиќ бидејќи немаат суета, додека со Јелена Карлеуша на почетокот имале жешки конфликти поради борбата за доминација на снимањата.
„Таа е навикната да биде главна и да биде по нејзино, а јас сум машко што сака зборот да му биде последен. Тоа беше судир на два света, но на крајот се прилагодивме и функционираме одлично“, открива раперот, додавајќи дека приватните пораки ги разменуваат исклучиво во заедницата на жирито за да избегнат новинарски шпекулации.
Сепак, најголемо внимание привлече неговиот остар став за Евровизија и победата на Марија Шерифовиќ. Според Десингерица, Евровизија денес е тотално изопачен и „кринџ“ формат во кој повеќе се гледа политиката и приватниот живот на изведувачите отколку вистинската музика и резултатите.
„Што беше Марија пред Евровизија? Ништо, апсолутно ништо. Тој фестивал ѝ даде само одреден естраден кредибилитет. Таа пее брутално добро, тука нема дилеми, но исто така е и искомплексирана. Евровизија не создава вистински рок-ѕвезди ниту изведувачи што прават сериозни пари. Нејзината музика е просечна, а тоа што се прикажува висок стандард на социјалните мрежи е сосема друга работа. Мене ме интересираат само резултатите, стриминзите и слушаноста, а во тоа ретко кој може да се мери со мене бидејќи сам го работам секој детал од песните“, порача Десингерица.
