Францускиот музеј Гревен вчера ја отстрани восочната фигура на актерот Жерар Депардје по обвинувањата за силување и сексуален напад.
Музејот навел дека восочната фигура е отстранета „по негативните реакции од посетителите“, пренесува Би-би-си.
Фигурата во природна големина на еден од најпознатите француски актери беше изложена во парискиот музеј од 1981 година.
Депардје е под истрага од декември 2020 година по тужбата поднесена од актерката Шарлот Арну, која тврди дека двапати ја силувал во неговиот дом во Париз на крајот на август 2018 година.
Оттогаш, уште десетина жени јавно го обвинија глумецот, меѓу кои и актерката Елен Дарас, која на 10 септември поднесе тужба против него за сексуален напад.
