Бруклин Бекам, најстариот син на поранешниот фудбалер Дејвид Бекам и дизајнерката Викторија Бекам, на 9 април годинава ќе се ожени со својата свршеница, 27-годишната Никола Пелц.
На својот инстаграм-профил Дејвид сподели фотографија на која се гледа костумот што ќе го носи на венчавката на Бруклин и Никола.
– Создавање посебни спомени. Плановите за венчавката се во тек, а родителите облечени и дотерани – напиша Дејвид Бекам со фотографија на која позира со татко му и Нелсон Пелц, татко на невестата.
View this post on Instagram
Познато е и дека невестата ќе носи венчаница од дизајнерот Валентино, а таа со својот стилист планира да го посети Рим за да испроба неколку модели, а ќе избере два.
– Викторија Бекам го дизајнираше нејзиниот веренички фустан и целосно го поддржува тој избор. Веројатно истата вечер ќе се појави и во модел дизајниран од Викорија – рекол извор за странските медиуми.
View this post on Instagram
Венчавката ќе се одржи во вилата на милијардерот Нелсон Пелц, татко на невестата, во Палм Бич, Флорида. Вилата се наоѓа покрај море и има 27 соби. Познато е и дека меѓу гостите ќе бидат манекенката Џиџи Хадид, дизајнерката Никол Ричи, готвачот Гордон Ремзи и други познати личности.
Иако сѐ уште многу малку се знае за венчавката, Бруклин и Никола по повод Денот на вљубените открија дека ќе носат „кипа“, мала рамна, црна или обоена капа што ја носат Евреите на традиционалните церемонии, па церемонијата ќе се изведува според тој обред.
View this post on Instagram
