Цеца Ражнатовиќ ја бодреше српската репрезентација на Европското фудбалско првенство.
За српските „орли“ Европското првенство заврши на 25 јуни, кога не успеаја да ја совладаат репрезентацијата на Данска и да се пласираат во следната фаза од натпреварувањето.
Голема поддршка за српската репрезентација даваше фолк-дивата Цеца Ражановиќ која со ќерката Анастасија го бодреше Немања Гудељ, како и останатите фудбалери.
За време на престојот во Германија, Цеца се присети на времето кога го водеше фудбалскиот клуб „Обилиќ“ и го советуваше за тактика српскиот тренер Драган Стојковиќ Пикси.
„Имам и некое претходно искуство, се разбирам во фудбал, водев и фудбалски клуб. Тие работи никогаш не се забораваат, фудбалот е најголема зараза која постои. Додека го водев фудбалот ја запоставив и својата кариера, зашто тоа е страст“, рече Цеца за српски Блиц и додаде дека не само искуството туку и среќата е клучна.
– Свесни сме дека Митровиќ и Влаховиќ не можат да играат во пар, за жал двајца одлични играчи, мислам дека имаме проблем со средниот ред. Имаме одбрана која изгина на сите овие натпревари, проблемот е средниот ред. Мој совет до него е да се занимава со средниот ред и во зависност од тимот, со некои тимови треба да играш на контра, со други офанзивно. Кога е офанзивно, ставаш офанзивни играчи, кога е поопасна екипа, треба малку да се затвориш, да чекаш од контра за да постигнеш гол. Но, јас не сум тренер, јас сум пејачка и многу успешно си ја работам работата, но ние сме Срби и сите сакаме да бидеме тренери, вели Цеца.
