Уживајте во здравиот и нискокалоричен чипс од јаболка.
Намирници – јаболки, јаболков оцет, кафеав шеќер, цимет и вода.
Подготовка
Полека загрејте две лажици кафеав шеќер и 4 лажици вода. Кога шеќерот ќе се стопи, додадете половина лажица јаболков оцет и 1 лажичка цимет, потоа отстранете го добиениот сируп од шпоретот. Во меѓувреме 1 поголема јаболка преполовете ја, извадете и ги семките и исечете ја на тенки лентички или кругови. Едната страна на круговите натопете ја во сирупот и поставете ја во сад за печење обложен со хартија за печење. Натопената страна на јаболкото треба да биде завртена кон горе.
Печете ги кругчињата јаболка во рерна на 100 степени еден час. Кога ќе станат крцкави, извадете ги и послужете ги врели или изладени.
