Брус Вилис се повлече од актерството претходно оваа година, откако му беше дијагностицирана афазија, а сега ги продаде правата за неговиот „дигитален близнак“ да ги користи во филм.
Вилис е првиот холивудски актер кој целосно ја искористил „deepfake“ технологијата на овој начин. Овој потег доаѓа откако актерот се појави во телефонска реклама преку синтетички медиуми и неговото лице дигитално му беше пресадено на друг актер. Актерот сега му дозволи на Deepcake, американска компанија која произведува „дигитални близнаци“, да го користи неговото лице.
– Ми се допадна прецизноста со која е направен мојот лик. Тоа е мини-филм во мојот вообичаен жанр на акциона комедија. За мене тоа е одлична можност да се вратам во времето. „Со доаѓањето на модерната технологија, дури и кога бев на друг континент, можев да комуницирам, да работам и да учествувам во снимањето“, рече Вилис.
Последните филмови ги сними со помош на двојници
За потсетување, актерот боледува од афазија, медицинска состојба која влијае на неговите когнитивни способности. Со болеста се бори веќе две години, а последните филмови ги снимал со помош на двојник.
– Како семејство сакавме да им кажеме на фановите на Брус дека нашиот сакан Брус има здравствени проблеми, неодамна му беше дијагностицирана афазија, која влијае на неговите когнитивни способности. Како резултат на тоа, Брус се пензионира од кариерата која толку многу му значеше, објави семејството Вилис претходно.
– Ова е навистина предизвикувачки период за нашето семејство и ние сме многу благодарни за вашата континуирана љубов, сочувство и поддршка, рекоа тие. Истата објава се појави и на профилот на поранешната сопруга на Брус, Деми Мур.
