Бритни Спирс повторно е во центарот на вниманието со контроверзна објава на Инстаграм. Пејачката зборуваше за нејзината долгогодишна естрадна ривалка Кристина Агилера, навредувајќи ја дека пејачката избира крупни танчерки за таа самата да изгледа послаба на сцената и во видеата.
„Да ги имав танчерките на Кристина Агилера ќе изгледав многу витка“, пишува во објавата и додава „Открив дека постои само еден начин да изгледате слабо, а тоа е дружење со дебели луѓе“ – цитирајќи го всушност комичарот Родни Денџерфилд.
Објавата на Спирс предизвика лавина негативни коментари од корисниците на социјалните мрежи.
Според Пејџ Сикс, после ваквата навреда самата Кристина Агилера ја исклучила Бритни од „пријателите“ кои ја следат на нејзиниот Инстаграм профил.
