Бразилската манекенка Алесандра Амбросио (41) летува во Црна Гора. Таа и нејзините пријатели присуствувале на концертот на Сека Алексиќ во дискотека во Будва.
Сите биле изненадени кога во клубот се појавила Алесандра, па дури и самата Сека.
„Алесандра престојува во Црна Гора со своите пријателки. Бидејќи го сака Балканот и енергијата на нашиот народ, таа изрази желба да излезе со пријателките. Тие ѝ предложиле да одат на настапот на Сека Алексиќ“, открил неименуван извор близок до пејачката, кој додал дека Алесандра е воодушевена од Сека и дека највеќе и се допаднала нејзината песна „Аспирин“.
„Алесандра беше воодушевена од енергијата на Сека, дури ја спореди со девојка од Бразил. Најмногу и се допадна песната „Аспирин“ и остана до крајот на настапот за да се запознаат.
Алесандра на своето стори на Инстаграм сподели и видеа од настапот на Сека.
„Ти благодарам Сека за прекрасно поминатото време во Црна Гора!“, напиша манекенката покрај нивната заедничка фотографија.
Алесандра летува во Будва, а престојувала во хотел со пет ѕвезди заедно со нејзините деца, 14-годишната Ања Луиз и четири години помладиот Ноа Феникс.
View this post on Instagram
