Откако на граничните премини на Европската Унија за државјаните на земјите што не се нејзини членки почна да се применува новиот и значително построг систем на контроли, познат како ЕЕС (Entry/Exit System), ниту познатите личности не се поштедени од долгите колони и непријатностите. Во таква ситуација се најшол и босанскохерцеговски актер, режисер и музичар Бранко Ѓуриќ Ѓуро, кому новата процедура „му го кренала притисокот“.
Новите европски прописи предвидуваат на патниците од земји како Босна и Херцеговина, Македонија, Србија и Црна Гора при првиот влез во шенгенскиот простор да им се земаат биометриски податоци. Тоа подразбира излегување од автомобилот, скенирање на лицето и земање отпечатоци од прсти. Иако овој дигитален процес теоретски треба да ја олесни евиденцијата, во пракса предизвика огромни колони, незадоволство и повеќечасовно чекање на граничните премини.
Познат по својот остар јазик, актерот, кој со години живее во Словенија со своето семејство, не го криеше своето незадоволство и јавно се пожали на социјалните мрежи.
„Извинете, но ова задолжително фотографирање на луѓето на границата меѓу БиХ и Хрватска ме потсетува на „До, ре, ми… шизам“. Понижувачки е, во најмала рака. Која е целта на ова малтретирање?“, напиша Ѓуро на социјалните мрежи.
