По победата во „Ѕвездите на Гранд“ и завршувањето на обврските, Бојан Илиевски решил да се опушти и да си земе неколку дена заслужен краток одмор.
По настапот минатиот викенд, Боки ги спакувал куферите и заедно со пријателите и роднините решил да се опушти на Охридското Езеро, каде што за првпат седнал зад кормилото на глисер, пишува Grand.rs.
– Искрено, ова ми беше првпат. Претходно сум возел џет-ски, но никогаш глисер. Навистина е прекрасно искуство. Кога си заминував и седнав во автомобилот, додека возев сѐ уште имав чувство како да сум на глисер, на вода, а не на улица – изјавил Бојан за „Гранд“, а потоа признал и дека добил желба да си купи глисер.
– Добив желба да си купам глисер, толку многу ми се допадна таквиот начин на возење. Возењето со глисер толку многу опушта и одмора, што е нешто неверојатно.
Додал дека при возењето со глисерот чувствувал посебен адреналин кој целосно го релаксирал.
– Како да не, тоа е неописливо. Се крева предниот дел на глисерот, а ти остануваш назад. Потоа доаѓаат оние нагли свртувања лево и десно, кога глисерот буквално скока по водата. Практично, се крева околу метар и пол во воздух, па повторно паѓа во водата и пак скока. Прекрасно искуство – објасни Бојан и откри дека не можел да одолее, а да не запее и на глисерот:
– Навистина убаво се одморив. Бев малку на море, малку на езеро, а кога се возев со глисер, гласот ми се опушти, па пеев како славеј.
Како што пренесува „Гранд“, Бојан успеал дополнително да ги „наполни батериите“, па накратко отпатувал и во Грција, на брегот на Егејското Море, каде што исто така уживал.
View this post on Instagram
View this post on Instagram
