Супермоделот Бела Хадид ја доби престижната награда „Златно срце“ за нејзината посветена борба за менталното здравје на младите. На гала-церемонијата во ресторанот Ципријани во Њујорк пристигна со нејзината мајка Јоланда Хадид, во вечерен фустан на Мајкл Корс и заработи овации од другите гости.
Бела Хадид е едно од најпознатите лица во светот на модата, може да се пофали со 27 насловни страни на „Вог“, но и покрај тоа се чувствувала вознемирено и како да губи контрола.
Таа минатата година јавно проговори за нејзината долга борба со нападите на паника, стрес и општото чувство на нелагодност.
Нејзините проблеми започнале кога во раните тинејџерски години се соочила со лајмска болест, бактериска системска инфекција која го нападнала нејзиниот организам и довела до ненадеен пад на имунитетот, поради што манекенката морала да се подложи на обемни болнички прегледи.
-Се чувствував ужасно, со месеци и години пробував бројни лекови и холистички додатоци, но ништо не помагаше, изјави Хадид, чие ментално здравје се влошило кога ја започнала стресната кариера во светот на модата.
-Имав сѐ, но чувствував дека го губам тлото под нозете. Бев беспрекорна пред камерите и на модните писти, но приватно постојано имав депресивни испади, напади на паника и солзи, изјави Бела Хадид која на сопствена кожа почувствувала колку е важна грижата за менталното здравје на младите. Затоа решила јавно да зборува за тоа.
Најважниот чекор во процесот на оздравување била психотерапијата, и особено новите навики кои станале неизбежен дел од нејзиното секојдневие.
-Сфатив дека морам да бидам благодарна за сѐ што ми дава животот, а не постојано да барам повеќе и повеќе. Покрај тоа, ја одделив работата од приватните задоволства и строго ја почитувам таа граница. Ми помага и медитацијата која можам да ја правам додека шетам во парк или во природа, а имам поддршка и од блиските луѓе на кои секогаш можам да им се доверам, изјави Бела Хадид и заработи овации од присутните, меѓу кои беше и легендарната модна уредничка Ана Винтур, водителка на церемонијата.
View this post on Instagram
