Српската пејачка Ана Бекута беше во Сплит во неделата на големиот проштален концерт на музичката дива Тереза Кесовија, а трогателната средба и впечатоците ги сподели со своите следбеници на Инстаграм.
Фотографија од двете пејачки легенди, како седат во срдечен разговор, држејќи се за раце во сплитскиот Хрватски народен театар, предизвика бројни емотивни реакции и потсети на моќта на пријателството и музиката што не познава граници.
„Синоќа ја слушав величествената Тереза Кесовија на нејзиниот проштален концерт во Сплит. Вечер полна со емоции и неверојатна енергија. Тереза пееше час и половина и нè врати во младоста и радоста, а времето и староста не можат ништо да му направат на нејзиниот неверојатен глас. Ме направи среќни мене и илјадници луѓе што дојдоа на Стари плац синоќа“, напиша Бекута.
View this post on Instagram
