Приказната во која се вклучени Џони Деп и Амбер Херд не покажува знаци на стивнување: жалби, контра-жалби, навреди, пресврти…контрадикторности од типот – лажго е, па – го сакам. Но факт е дека Амбер Херд не се откажува во оваа битка иако веќе ја загуби. По нејзината клевета во (првиот) судски процес за клевета што ја спротивстави со нејзиниот поранешен сопруг и ја чинеше казна од 15 милиони долари, сега нејзините адвокати бараат причина за повторен преглед на пресудата на поротата.
Имено, еден поротник, според тоа што го објави Пипл, е во центарот на нова контроверзност: адвокатите на Херд тврдат дека еден од членовите на поротата всушност бил погрешна личност.
Поротникот број 15, конкретно, кој според ова ново откритие во шестте недели на судењето бил друг човек од оној што првично бил повикан од судијата да ја врши таа функција.
Адвокатите на Херд нагласуваат дека вистинската личност требало да има 77 години, додека оној кој учествувал во судењето, кој има исто презиме и адреса, всушност имал 52 години.
Последователно, барањето на адвокатите на Амбер Херд е судењето да се прогласи за неважечко и да се продолжи со ново.
Засега нема изјави од Џони Деп, но се претпоставува дека реакции и нема да има.
