Хрватската пејачка и текстописец Алка Вуица има голема причина за славење. Нејзиниот син Аријан Вуица и неговата партнерка, академската сликарка Дора Шитум, станаа родители на своето прво дете, со што пејачката за првпат ја доби улогата на баба.
Среќната вест ја сподели семејството, а набргу пристигнаа бројни честитки од пријатели, колеги и обожаватели од целиот регион.
Алка и претходно неколкупати зборуваше дека со нетрпение го очекува доаѓањето на внучето. Таа откри дека сака да биде „откачена баба“, која ќе чита приказни, ќе измислува бајки и ќе поминува што е можно повеќе време со своето внуче.
Во разговор за хрватските медиуми, пејачката призна дека учествувала и во изборот на името за бебето, иако конечната одлука им ја препуштила на идните родители. Истакна и дека ќе им биде голема поддршка на синот и снаата во првите месеци од родителството.
Аријан Вуица и Дора Шитум својата љубовна врска главно ја држеа далеку од очите на јавноста. На почетокот од годинава открија дека очекуваат дете, а кратко потоа се свршија. Со раѓањето на нивното прво дете, нивното семејство сега е побогато за уште еден член.
Алка Вуица зад себе има повеќедецениска успешна музичка кариера и е автор на бројни хитови што ги изведуваат најголемите музички ѕвезди во регионот. Сепак, како што и самата често истакнува, семејството отсекогаш било нејзиниот најголем приоритет.
