Ѕвездата од четвртата сезона на серијата „The Crown“, Ема Корин, отворено проговори за својот родов идентитет, нагласувајќи дека сѐ уште не се истражила целосно, но се смета себеси за небинарна личност. Поддршка добива од семејството и пријателите, а верува дека токму принцезата Дијана, која ја глумеше во популарната серија, била личност која ги прифаќала разликите и дека и таа била „квир личност“.
Ема зборуваше за нејзината одлука да се идентификува како небинарна бидејќи така се чувствува попријатно.
-Не знам каде ќе ме одведе истражувањето на сопствениот идентитет и навистина не сакам толку да размислувам за тоа. Знам само дека се чувствувам попријатно со самата себе – прокоментира Ема во една прилика. Таа истакна дека е исклучително среќна бидејќи добила голема поддршка од нејзините родители.
За време на интервјуто за „The Sunday Times“, таа рече дека е сигурна дека принцезата Дијана се разликувала од остатокот од семејството и дека често била на страната на аутсајдерите и ги прифаќала различностите.
Минатата година Ема ја смени заменката во описот на Инстаграм во „тие“, а подоцна додаде дека сака да биде автентична на својот профил. Потоа ги смени и сите заменки на нејзините веб-страници и отворено рече дека ќе се чувствува поубаво доколку ги користи.
Таа проговори и за својата интимност и рече дека дури во изминатите неколку години почнала да се прашува зошто се чувствува како да не припаѓа на нејзиниот пол, а првата квир врска ја нарече исклучително убаво искуство, додавајќи дека тоа што е небинарна личност ѝ помага да се одвои од женската улога што ја играла.
Во интервју за магазинот „Вог“, Ема рече дека понекогаш, во некои улоги ѝ е тешко да носи облека што вообичаено ја носат жените. Така таа откри дека ѝ било тешко да носи градник во „Љубовниците на Леди Четерли“ и кога ја играла Мерион во „Мојот полицаец“.
-Се сеќавам дека се мачев додека носев градник во некои улоги, но тоа е доста тешко, бидејќи јас не сум Ема, нели? Јас сум актерка и имам работа што морам да ја завршам – изјави Ема.
View this post on Instagram
