Фотографијата на Метју Меконахи и Вуди Харелсон додаде масло на неодамнешните тврдења на актерот Меконахи дека двајцата колеги навистина можеби се браќа.
Оскаровецот претходно ги откри сомнежите дека неговата мајка Мери имала љубовна врска со таткото на Вуди, Чарлс, откако даде мистериозна забелешка дека го познава починатиот осуденик.
И снимката која се појави на социјалните мрежи од долгогодишните пријатели Метју и Вуди, снимена во 2019 година, ја покажува сличноста на ѕвездите кои беа актерски пар во хумористичната серија на Apple TV+ „Брат од друга мајка“.
Говорејќи во подкастот „Ајде да разговараме надвор од камерата со Кели Рипа“, Метју рече:
„Во Грција пред неколку години седевме и разговаравме за тоа колку сме блиски и со нашите семејства. А мајка ми рече: „Вуди, го познавав татко ти“. Продолживме да се распрашуваме што значи ова „го познава“ и направивме малку математика и откривме дека таткото на Вуди бил на одмор во исто време кога мајка ми и татко ми минувале низ процес на развод“, вели тој.
Тој призна дека забелешката на неговата мајка за таткото на Вуди, кој почина во затвор во 2007 година, го поттикнала да ја истражува семејната историја, но никако не можел да дојде до материјал за да направи ДНК тест.
„Знаете, онаму каде јас почнувам и тој завршува, и обратно, отсекогаш било како претопена линија. И тоа е дел од нашето бартство, нели? Моите деца го викаат чичко Вуди. Неговите деца ме викаат чичко Метју. Гледајќи ги неговите фотографии моето семејство мисли дека на многу од неговите слики сум всушност јас. Неговото семејство пак, мисли дека многу од моите фотографии се всушност негови“, изјави Метју.
