Фолк пејачот Адил Максутовиќ неодамна беше во Македонија. Тој одржа концерт во Охрид на една од плажите, а публиката до доцна во ноќта се веселеше со неговите хитови. Но, Адил во Србија немаше среќа како во Македонија.
.Пејачот Адил Максутовиќ се оглси преку Инстаграм откако беше објавено дека неговиот концерт во Ташмајдан, како и концертот на неговата колешка Николија, меѓу другите, е одложен.
„Драга публико, драги пријатели, за жал, организаторот на мојот концерт денес ме извести дека мора да го откажеме концертот закажан за 5 септември на Ташмајдан. Наведената причина беше поставување нова трева на стадионот, што според мене е многу сомнително оправдување, особено затоа што нашиот договор за соработка никогаш немаше член во врска со откажување на концерт поради некоја несоодветна површина што беше поставена во меѓувреме.
Длабоко сум разочаран од овој исход, бидејќи искрено се радував на нашата средба и одлична музичка вечер. Подготвив прекрасни аранжмани за песните… ангажирав мајсторски музичари… ги поканив драгите колеги да ми се придружат на сцената таа вечер, за да можеме да подготвиме прекрасна музичка програма за вас“, напиша Адил и додаде:
„Сепак, можам само да ја прифатам оваа одлука на организаторот. Живееме во време кога тензиите, политичката нестабилност и длабоките поделби во општеството се присутни секој ден… и можеби токму ова е позадината на овој непријатен развој на настаните. Сепак, музиката е тука за да ги зближи луѓето и да ја врати вербата во она што нè поврзува.
Ве молам сите вас што купивте билети да контактирате директно со организаторот за враќање на парите. Ви благодарам на сите за огромната поддршка и љубов што ми ја испраќате. Се надевам дека наскоро ќе се сретнеме повторно во подобро време за сите нас“, напиша пејачот кој му беше зет на познатиот пејач Џеј Рамадановски.
