Британската пејачка Адел изјави дека е подготвена наскоро да стане мајка, пренесува Daily Mail.
За време на една од нејзините последни настапи во Лас Вегас, Адел разговараше со бремена обожавателка. Девојката побарала совет од пејачката за избор на име за идната ќерка. Како одговор, ѕвездата признала дека и самата е „подготвена наскоро повторно да стане мајка“, истакнувајќи дека веќе има список со имиња за нејзиното идно дете.
„Навистина сакам наскоро да станам мајка. Јас всушност правам списоци со имиња. Секогаш кога ќе видам име што ми се допаѓа, го запишувам во телефонот“, споделила пејачката.
Во 2011 година, Адел се омажи за бизнисменот Сајмон Конек, со кој го доби синот Анџело. Сепак, во 2019 година, парот одлучи да се раздели. Сега 35-годишната пејачка е во врска со 41-годишниот спортски агент Рич Пол.
Во август 2022 година, Адел даде интервју за американското издание на списанието „Ел“, во кое зборуваше за нејзината врска со нејзиниот нов партнер.
„Никогаш не сум била толку многу заљубена. Јас сум опседната со него. Дефинитивно сакам уште деца“, изјави пејачката.
