Американската пејачка и текстописец Бијонсе Жизел Ноулс-Картер – попозната како Бијонсе – минатата недела го објави својот седми студиски албум „Ренесанса“, еден од нејзините најамбициозни проекти од успехот на нејзиниот последен албум „Лимонада“ (2016 година).
View this post on Instagram
Но, неколку часа подоцна, таа се најде во средината на бурните реакции на социјалните мрежи поради употреба на зборовите „спаз“ и „спазинг“ (spaz и spazzing)
Во понеделникот, пејачката реши сериозно да го сфати прашањето за „навредата“ и сега најави дека навредливиот збор ќе биде отстранет.
View this post on Instagram
Што е толку навредливо во текстот на Бијонсе на албумот „Renaissance“?
Во овој интересен и импресивен запис од историјата на црната музика, кој опфаќа шест децении, е песната насловена „Heated“, соработка на Бијонсе со канадскиот рапер Дрејк, а токму тука се појавуваат зборовите „spaz“ и „spazzing“ среде куп афро ритми со енергични битови и огнениот глас на пејачката.
Некои луѓе користат „спаз“ најмногу во контекст на медицинско опишување на спазми. Спастичноста е често присутна кај церебрална парализа и други состојби, вклучително и мултиплекс склероза, каде што движењето на мускулите не може да се контролира и засегнатото лице не е свесно кога погодените области на неговото тело ќе се „нишаат“ и кога вкочанетоста ќе се претвори во грчеви и болка.
Во „Heated“, зборот се користи како сленг, што имплицира еден вид немир и хиперактивност. Но, според многу друштво кои се застапници за борба за инклузија на лицата со попреченост, проблемот не е во толкувањето, туку во случајната употреба на зборот. Навредливиот карактер многумина го истакнаа на социјалните мрежи.
Зошто ‘спаз’ или ‘спазинг’ се сметаат за навреди?
Пред повеќе од еден месец, Хана Дивини, писателка и застапничка на инклузија на лица со попреченост од Сиднеј, ја повика американската пејачка Лизо, која го употреби зборот „спаз“ на „GRRRLS“, сингл од нејзиниот албум „Special“. Лизо одговори речиси веднаш, и ја сними песната со промена на текстот. „…Како влијателен уметник, јас сум посветена да бидам дел од промената што чекав да ја видам во светот“, рече Лизо во изјавата.
По објавувањето на Renaissance, Дивини повторно твитна: „Се чувствувам како да добив нова шлаканица за мене, за заедницата со посебни потреби и за напредокот што се обидовме да го постигнеме со Лизо. Претпоставувам дека само ќе продолжам да ѝ кажувам на целата индустрија да ’направи нешто подобро’ додека не исчезнат музичките навреди“. Таа исто така напиша статија во „Гардијан“ со наслов „Кога Бијонсе ја упати истата навреда како Лизо на нејзиниот нов албум, срцето ми потона“.
Така, и Бијонсе реши да го смени текстот. „Зборот, кој не е намерно употребен на штетен начин, ќе биде заменет“, се вели во соопштението на тимот на Бијонсе.
